ජනාධිපතිවරණය කැදවීමේ බලය ජූලි 17 මධ්‍යම රාත්‍රියට පසුව මැතිවරණ කොමිසමට

ආණ්ඩුක්‍රම ව්‍යවස්ථාවට අනුව, ජනාධිපතිවරණය කැදවීමේ ගැසට් නිවේදනය ප්‍රකාශයට පත් කිරීමේ බලය, ජූලි දා හත් වන දා මධ්‍යම රාත්‍රියට පසුව මැතිවරණ කොමිසමට ලැබෙනවා.
ව්‍යවස්ථාවට අනුව මැතිවරණ කොමිසමට හිමිවන එම බලයට අභියෝග කිරීමට හෝ ඊට බාධා කිරීමට කිසිදු පාර්ශ්වයකට තවදුරටත් හැකියාවක් නැහැ.
මැතිවරණය ප්‍රකාශයට පත් කිරීමේ ගැසට් නිවේදනය නිකුත් කර දින 16 කට පසුව සහ දින 21 කට පෙර, නාම යෝජනා කැදවිය යුතු යි.
නාම යෝජනා කැදවා සති හතරකට පසුව හා සති හයකට පෙර මැතිවරණය පැවැත්විය යුතු වනවා.
කෙසේ හෝ නිසැක වශයෙන්ම සැප්තැම්බර් 17 ත් ඔක්තෝබර් 17 ත් අතර කාලයේ දිනයක ඡන්දය පැවැත්විය යුතුයි.