පළාත් සභා මැතිවරණය පැවැත්වෙන ඡන්ද ක්රමය පිළිබඳ සොයා බැලීමට පත් කර ඇති පාර්ලිමේන්තු විශේෂ කාරක සභාව විසින් මැතිවරණ කොමිෂන් සභාවේ ප්රධානීන් ලබන සතියේදී නැවත කැඳවීමට නියමිතය.
මැතිවරණ කොමිෂන් සභාවේ සභාපති ආනන්ද රත්නායක මහතා පවසන්නේ, එම රැස්වීමේදී මැතිවරණයට අදාළව සකස් කරන ලද විශේෂ තාක්ෂණික වාර්තාවක් කමිටුව වෙත බාර දෙන බවයි.
මෙම කමිටුව මේ වන විටත් නීතිපති දෙපාර්තමේන්තුව සහ සීමා නිර්ණ කොමිෂන් සභාව ඇතුළු ප්රධාන ආයතන සමඟ සාකච්ඡා පවත්වා ඇති අතර, ඉතා නුදුරේදීම මැතිවරණ නිර්දේශ ඇතුළත් අවසන් වාර්තාව පාර්ලිමේන්තුවට ඉදිරිපත් කිරීමට නියමිතය.
මේ අතර, රාජ්ය පරිපාලන, පළාත් සභා හා පළාත් පාලන අමාත්ය මහාචාර්ය චන්දන අබයරත්න මහතා ප්රකාශ කර සිටියේ, කමිටුවේ නිර්දේශ ලැබුණු වහාම මැතිවරණය පැවැත්වීමට කටයුතු කරන බවයි.
එම මැතිවරණය සඳහා අවශ්ය මුදල් දැනටමත් වෙන් කර ඇති බැවින්, මූල්යමය ගැටලුවක් නොමැති බවද අමාත්යවරයා වැඩිදුරටත් සඳහන් කළේය.
