යුපුන් අබේකෝන් අද තරඟ බිමට

ඩුබායි හි පැවැත්වෙන එක්සත් අරාබි එමීර් රාජ්‍යය මළල ක්‍රීඩා තරගාවලියට එක්ව සිටින මෙරට මළල ක්‍රීඩක ක්‍රීඩිකාවන් රැසක් අද (03) තරග බීමට පිවිසෙනවා.

ඒ අනුව, කෙටි දුර ධාවන ශූර යුපුන් අබේකෝන් සහභාගිවන මීටර 100 තරගය පැවැත්වෙන්නේ මෙරට වේලාවෙන් රාත්‍රී 7.50 ටයි.

එය මෙම වසරේ ඔහුගේ පළමු ධාවන තරගයයි.

ඊට අමතරව ගයන්තිකා අබේරත්න සහ තරුෂි කරුණාරත්න ද, අද රාත්‍රීයේ මීටර 400 සහ මීටර 800 ඉසව් සඳහා එක්වීමට නියමිතයි.