ලෝක ඉතිහාසයේ උෂ්ණත්වය අධිකම අප්‍රේල් මාසය ලෙස පසුගිය අප්‍රේල් මාසය වාර්තා අතරට එක් වී තිබෙනවා.
පසුගිය මාස 11ක කාලයක් පුරා ලෝකයට බලපෑ වැසි රහිත කාලගුණයෙන් හා අධික උෂ්ණත්වයෙන් දැඩි බලපෑම් එල්ල වුණා.
යුරෝපා සංගමයේ කාලගුණ විපර්යාස නිරීක්ෂණ සේවය පවසන්නේ ඒ හේතුවෙන් පසුගිය අප්‍රේල් මාසය ඉතිහාසයේ උෂ්ණාධිකම අප්‍රේල් මාසය වාර්තා අතරට එක්වන බවයි.
2023 වසරේ ජුනි මාසයෙන් පසු සෑම මාසයකම ඊට පෙර වසරේ අදාළ මාසය හා සැසඳිමේදී උෂ්ණත්වය ඉහළ ගොස් ඇති බවයි ඔවුන් පෙන්වා දෙන්නේ.
පැසිපික් සාගරය අවට එකවර උෂ්ණත්වය වැඩිවීම හේතුවෙන් ගෝලීය උෂ්ණත්වය ඉහළ යෑමේ සංසිද්ධිය, එල්නිනෝ තත්වය යනුවෙන් හැඳින්වෙනවා.
ඒ අනුව, එක්නිනෝ තත්වයේ බලපෑමද අවම වශයෙන් පවතින මෙවැනි අවස්ථාවක අධික උණුසුම ඇති වීම සඳහා මිනිස් ක්‍රියාකරකම් හේතුවෙන් සිදුවන දේශගුණික විපර්යාස හේතු වී ඇති බව එම පර්යේෂකයින් තව දුරටත් පෙන්වා දී තිබෙනවා.
