ජනාධිපති රනිල් වික්රමසිංහ ලබන 10 වනදා කුලියාපිටියෙන් සිය මැතිවරණ සටන ආරම්භ කරනවා.
“සැබෑව” යන තේමාව මුල් කර ගනිමින් සංවිධාන කෙරෙන මැතිවරණ සටන ඇරැඹීමේ ප්රථම මහජන රැළිය කුලියාපිටිය නගර සභා ක්රීඩාංගනයේදී ඉරිදා (10) පස්වරු දෙකට පැවැත්වෙනු ඇති.
රනිල් වික්රමසිංහ මහතා ජනාධිපති ධුරයට පත්වීමෙන් පසු සහභාගී වන ප්රථම මහජන රැළිය මෙය බව එක්සත් ජාතික පක්ෂ උපනායක අකිල විරාජ් කාරියවසම් මහතා පිටකෝට්ටේ සිරිකොත පක්ෂ මූලස්ථානයේ පැවති මාධ්ය හමුවේදී පැවසුවා.
රනිල් වික්රමසිංහ මහතා මේ වන විට නිර්පාක්ෂික ජනාධිපතිවරයෙක් ලෙස කටයුතු කරමින් සිටින බව පැවසු කාරියවසම් මහතා එක්සත් ජාතික පක්ෂය ලෙස ජනාධිපතිවරයාට සහාය දැක්වීම සඳහා මෙම මහජන රැලිය සංවිධාන කරන බව සඳහන් කළා.
නිර්පාක්ෂික අපේක්ෂකයෙක් ලෙස ජනපතිවරණයට ඉදිරිපත් වන රනිල් වික්රමසිංහ මහතාට සහාය පළ කිරීම සඳහා ඉදිරියේදීත් විවිධ පාර්ශ්ව වෙතින් මහජන රැලි සංවිධාන කෙරෙනු ඇති බවත් අවසානයේ සියලු බලවේගය එක්වී ජනාධිපති රනිල් වික්රමසිංහ මහතාගේ ජයග්රහණය තහවුරු කෙරෙනු ඇති බවත් අකිල විරාජ් කාරියවසම් මහතා තවදුරටත් සඳහන් කර සිටියා.
