විදෙස් ගමන් බලපත්ර නිකුත් කිරීමේ ප්රමාදය නිසා ආගමන හා විගමන දෙපාර්තමේන්තු පරිශ්රය අවට දින කිහිපයක් මුළුල්ලේ දිගු පෝලිම් දක්නට ලැබුණේ තක්ෂණයත් සමඟ රාජ්ය සේවය බද්ධ නොකිරීම හේතුවෙන් බව ශ්රී ලංකා පොදු ජන පෙරමුණේ ජනාධිපති අපේක්ෂක නාමල් රාජපක්ෂ පවසනවා.
ඔහු මේ බව සඳහන් කළේ, ඊයේ (28) හක්මණ නගරයේ පැවති ජන හමුවකට එක්වෙමින්.
එහිදී වැඩිදුරටත් අදහස් දැක්වූ නාමල් රාජපක්ෂ,
“බෙලිඅත්ත නගරයටත් වඩා සවර්ධන කාලයක් මහින්ද රාජපක්ෂ කාලයේ හක්මණ නගරයට සිද්ධ වුණා.මේ පාරේ මේ කොනෙන් පටන් අරන් එහා කොන වෙනකන් අලුතෙන්ම නගරයක් හැදුවා. එදා සංවර්ධනය කරන්න මුදල් තිබ්බා. මුදල් දුන්නා සහ විශේෂයෙන්ම රටේ නායකයාට උවමනාව තිබ්බා….
2015 දී මේ සියල්ලම අතරමග නතර වුණා. ඒක නිසා අපට වගකීමක තියෙනවා. නැවත වතාවක් 2015 මහින්ද රාජපක්ෂ නවත්තපු තැනින් නැවත වතාවක් සැප්තැම්වර් මසයේ 21න් පස්සේ ඒ සංවර්ධනය ගමට ගේන්නත් ලංකාව ආසියාවේ දියුණුම රට බවට පරිවර්තනය කිරීමේ වගකීමත් අපි භාරගන්නවා….
රාජ්ය සේවය තුළින් ජනතාවට මේ සේවාවක් තාක්ෂණයත් එක්ක බද්ධ කරලා පෝලිම්වල ඉන්න එක අයින් කරන්න ඕනේ. අපි ඒක කරනවා. පරිභෝජනය අඩු කරලා මිල වැඩි කරලා තෙල් පෝලිම අයින් කරාට පාස්පෝට් පෝලිම අයින් කරන්න බැරි වුණේ ඇයි? ඒකට හේතුව තමයි තක්ෂණයත් එක්ක මේ රාජ්ය සේවය බද්ධ නොකරපු නිසා.”
