වගා හානි කරන සතුන්ගේ ගහනය පාලනය කිරීමට සහ බෝග හානි වැලැක්වීම සඳහා ක්රියාත්මක වීමට කෘෂිකර්ම අමාත්යාංශය විශේෂ ඒකකයක් පිහිටුවා තිබෙනවා.
පොල්, පළතුරු ඇතුළු ප්රධාන ආහාර බෝග වලට විශාල හානියක් කරන රිලවුන් හා අනෙකුත් සත්ව හානි පාලනයට ගත හැකි තිරසාර ක්රියාමාර්ග සම්බන්ධයෙන් කෘෂිකර්ම, පශු සම්පත්, ඉඩම් සහ වාරි මාර්ග අමාත්ය කේ.ඩී.ලාල් කාන්ත මහතාගේ ප්රධානත්වයෙන් එම අමාත්යාංශයේ පැවැති සාකච්ඡාවකදී මෙම තීරණය ගෙන තිබෙනවා.
මෙම සාකච්ඡාව සඳහා කෘෂිකර්ම, පශු සම්පත්, ඉඩම් සහ වාරිමාර්ග අමාත්යාංශය, වනජීවී සංරක්ෂණ දෙපාර්තමේන්තුව, කෘෂිකර්ම දෙපාර්තමේන්තුව, ගොවි කටයුතු පර්යේෂණ ආයතනය, ශ්රී ලංකා යුද හමුදාව, සිවිල් ආරක්ෂක බලකාය, ඇතුළු ආයතන 15ක් පමණ නියෝජිතයින් සහභාගී වී ඇති බවටයි වාර්තා වන්නේ.
එහිදී විවිධ ක්රමෝපායන් යොදාගෙන හානිකර සත්ව ගහණ ව්යාප්තිය පාලනයට හා බෝග වලට සිදුවන හානි වැලැක්වීම වෙනුවෙන් කටයුතු කිරීම සඳහා එම විශේෂ ඒකකය ස්ථාපිත කෙරුණ.
එමෙන්ම වගා හානි වැලැක්වීම සඳහා ක්ෂණිකව ක්රියාත්මක කළ හැකි වැඩපිළිවෙලක් අනුව කටයුතු කිරීමට ද සැලැසුම් සකස් කර තිබෙනවා.
