සෞඛ්ය වෘත්තීය සමිති යළිත් වරක් ලබන 09 වනදා සිට දීපව්යාප්ත අඛණ්ඩ වර්ජනයකට යොමුවීමට තීරණය කර තිබෙනවා.
සෞඛ්ය වෘත්තීය සමිති සන්ධානය පවසන්නේ, ආර්ථික යුක්තිය ඉටුකිරීමට අදාළව වෘත්තීය සමිති 72කින් යුත් සෞඛ්ය වෘත්තීය සමිති සන්ධානය මාස 04ක සිට සිදුකළ අරගලය, සෞඛ්ය අමාත්යාංශය සකස් කළ තාක්ෂණික වාර්තාවට අනුව දීමනා ලබාදෙන බවට ලබාදුන් ලිඛිත පොරොන්දුව මත පසුගිය අප්රේල් මස තාවකාලිකව නවතා දැමූ බවයි.
කෙසේ වෙතත් මේ වනවිටත් එම එකඟතා නිවැරදි ආකාරයෙන් ඉටු නොවීම හේතුවෙන් යළිත් වෘත්තීය ක්රියාමාර්ගයක් ආරම්භ කිරීමට අද (08) දින තීරණය කළ බවයි එම වෘත්තීය සමිති සන්ධානය වැඩිදුරටත් සඳහන් කළේ.
ඒ අනුව රෝගීන්ට සිදුවන බලපෑම සලකා දීපව්යාප්ත වර්ජන ක්රියාමාර්ග ආරම්භ කිරීම වෙනුවට 09 වෙනිදා සිට පළාත් වශයෙන් සියලු රෝහල් සහ සෞඛ්ය ආයතනවල රාජකාරියෙන් ඉවත්වීමේ වෘත්තීය ක්රියාමාර්ගය ආරම්භ කිරීමට තීරණය කර තිබේ.
වෘත්තීය ක්රියාමාර්ගය ක්රියාත්මක කරන රෝහල් පිළිබඳ විස්තර පහතින් දැක්වේ.
09 – උතුරු මැද පළාත
13 – මධ්යම පළාත
14 – සබරගමුව පළාත
15 – වයඹ පළාත
16 – දකුණු පළාත
20 – ඌව පළාත
21 – බස්නාහිර පළාත යනාදී වශයෙන් මෙම වර්ජන ක්රියාමාර්ගය ක්රියාත්මක වනු ලබනවා.
