සුරාබදු බලපත්ර ලබාදීමේ දී විධිමත් ක්රමවේදයක් අනුගමනය කරන ලෙස ජනාධිපති අනුර කුමාර දිසානායක මහතා නිලධාරින්ට උපදෙස් දී තිබෙනවා.
ඒ, සුරාබදු දෙපාර්තමේන්තුවේ ජ්යෙෂ්ඨ නිලධාරීන් සමඟ අද (05) ජනාධිපති කාර්යාලයේ පැවැති සාකච්ඡාවේදීයි.
මේ අනුව නිලධාරීන් තම බලය භාවිතා කරමින් නීතියට පටහැනිව කටයුතු නොකළ යුතු බවත්, සෑම විටම නීතිය ක්රියාත්මක කිරීම අත්යවශ්ය බවත් අවධාරණය කළ ජනාධිපතිවරයා නිසි වේලාවට බදු අය කර ගැනීමට පියවර ගන්නා ලෙස ද නිලධාරින්ට උපදෙස් දී තිබෙනවා.
සුරාබදු අය කර ගැනීමේ අපහසුතා සහ එහිදී සිදුවන අක්රමිකතා පිළිබඳ මෙහිදී අවධානය යොමු කෙරුණු අතර අයවිය යුතු බදු ප්රමාණය අය කර ගැනීම, අසාදුගත ආයතන මෙන්ම බදු අය කර ගත නොහැකි ආයතනවල බලපත්ර තහනම් කිරිම වැනි නව ක්රමවේද පිළිබඳව පුළුල් ලෙස සාකච්ඡා කෙරුණා.
එමෙන්ම බදු අය කර ගැනීමේ දී පවතින නීති රීති ප්රමාණවත් නොවීම පිළිබඳව ද සාකච්ඡාවට ලක් වූ අතර බදු අය කර ගැනීමේදී මතුව ඇති ගැටලු සහ සුරාබදු නිලධාරීන් බදවා ගැනීමේ ක්රමවේදයේ පවතින දුර්වලතා පිළිබඳවද ජනාධිපතිවරයාගේ අවධානය යොමු කළ අතර සුරාබදු දෙපාර්තමේන්තුවේ ක්රියාකාරිත්වය පිළිබඳ ජනතාව තුළ යහපත් ආකල්පයක් නොමැති බව මෙහිදී පෙන්වා දුන්නා.
මේ අතර ජනපති රටේ ආර්ථිකයට හිතකර ලෙස එම ආයතන පවත්වා ගෙන යාමේ අවශ්යතාවද අවධාරණය කළා.
මෙහිදී නිෂ්පාදන සහ ඇසුරුම් ක්රියාවලියෙහි මතුව ඇති ගැටලු පිළිබඳව නිලධාරීන් ජනාධිපතිවරයා දැනුවත් කළ අතර කෘත්රීම රා හේතුවෙන් ජනතාවට සිදු වන හානිය සම්බන්ධව ද අවධානය යොමු කරනු ලැබුවා.
