විසි දෙවෙනි ආණ්ඩු ක්රම ව්යවස්ථා සංශෝධනයට අදාළ ගැසට් නිවේදනය ජනාධිපතිවරණය අවසන් වන තෙක් නිකුත් කිරීම නොකරන ලෙසට තමා අමාත්යාංශ ලේකම්වරයාට උපදෙස් දුන්නේ ජනතාව ගැන සිතා සද්භාවයෙන් බව අධිකරණ බන්ධනාගාර කටයුතු සහ ආණ්ඩුක්රම ව්යවස්ථා ප්රතිසංස්කරණ අමාත්ය ආචාර්ය විජයදාස රාජපක්ෂ මහතා පවසා තිබෙනවා.
‘ලංකාදීප’ වෙත අදහස් දක්වමින් විජයදාස රාජපක්ෂ මහතා මේ බව සඳහන් කර තිබුණා.
ඔහු තවදුරටත් පවසා ඇත්තේ, මෙවැනි ගැසට් නිවේදනයක් නිකුත් කිරීමෙන් ජනාධිපතිවරණය කල් දැමීමට උත්සාහ දරනවා දැයි ජනතාව අතරේ භීතියක් ඇතිවන හෙයින් එය වැළැක්වීමේ අරමුණින් තමා එම ක්රියාමාර්ගය ගත් බවයි.
ඇතැමුන් ඊට වෙනස් මතයක සිටින්නේ නම් ඒවායේ ප්රතිඵල ඒ අයම භාරගත යුතු බවද ඔහු පෙන්වා දී තිබෙනවා.
ජනාධිපතිවරණය පවත්වා අවසන් වන තෙක් දැනට කැබිනට් අනුමැතිය හිමිවී ඇති 22වන ආණ්ඩුක්රම ව්යවස්ථා සංශෝධනය ගැසට් කිරීමෙන් වළකින ලෙස අධිකරණ අමාත්ය, ආචාර්ය විජයදාස රාජපක්ෂ මහතා අධිකරණ අමාත්යාංශයේ ලේකම්වරයාට පසුගියදා (18) උපදෙස් ලබාදී තිබුණා.
කෙසේවෙතත්, ඊයේ (19) 22 වැනි ආණ්ඩුක්රම ව්යවස්ථා සංශෝධනය ජනපති රනිල් වික්රමසිංහ මහතාගේ නියමයෙන් ගැසට් කරනු ලැබුවා.
මෙම සංශෝධනය ගෙන එන්නේ ජනාධිපතිවරයාගේ ධුර කාලය සම්බන්ධයෙන් ආණ්ඩුක්රම ව්යවස්ථාවේ 83 (ආ) ව්යවස්ථාවේ සඳහන් වසර 06ක් ඉක්මවා යන වචනය වෙනුවට වසර 05ක් ඉක්මවා යන වචනය ආදේශ කිරීම වෙනුවෙන්.
