මේ වසරේ ඔක්තොම්බර් 17 දිනට පෙර නව ජනාධිපතිවරයෙක් තොරාපත් කරගත යුතු බව ප්රවාහන සහ මහ මාර්ග අමාත්ය බන්දුල ගුණවර්ධන මහතා පවසනවා.
අද (20) හැටන් දුම්රිය ස්ථාන භුමියේ නාගරික සංවර්ධන අධිකාරිය විසින් ඉදි කරන ලද නව ගොඩනැගිල්ල සහ හැටන් දුම්රිය ස්ථානය නිරික්ෂණය කිරිම සදහා පැමිණි අවස්තාවේදී බන්දුල ගුණවර්ධන අමාත්යවරයා මේ බව සඳහන් කළා.
ඔහු පවසා සිටියේ ඇතැම් පිරිස් පවසන පරිදි ජනාධිපතිවරණය කල් දැමිමට කිසිදු සැලසුමක් නොමැති බවයි.
ජනාධිපති රනිල් වික්රමසිංහ මහතා මුදල් අමාත්යවරයා වශයෙන් ජනාධිපති මැතිවරණය පැවැත්විම සදහා අයවැයෙන් රු බිලියන 10 ක ප්රතිපාදන මැතිවරණ කොමිසම වෙත ලබා දි ඇති බව බන්දුල ගුණවර්ධන මහතා මෙහිදී වැඩිදුරටත් පවසා සිටියා.
තම සහෝදර අමාත්ය විජයදාස රාජපක්ෂ මහතා පැවැත්විමට නියමිත ජනාධිපතිවරණයේ අපෙක්ෂකයෙකු ලෙස ඉදිරිපත් වන බවට තමන්ට තොරතුරු ලැබි ඇති බවද අමාත්යවරයා ප්රකාශ කළා.
