තද සුළං සහ මුහුද රළුවීම පිළිබඳ අනතුරු ඇඟවීමේ රතු නිවේදනයක් කාලගුණවිද්යා දෙපාර්තමේන්තුව විසින් නිකුත් කර තිබෙනවා.
අද (27) උදෑසන 3.30ට නිකුත් කර ඇති අදාළ නිවේදනය ඉදිරි පැය 24 සඳහා බලපැවැත්වෙන බවයි එම දෙපාර්තුමේන්තුව සඳහන් කළේ.
ඒ අනුව, අරාබි මුහුද ප්රදේශයේ ක්රියාකරන බහුදින ධීවර සහ නාවික ප්රජාවන්ට වඩාත් සැලකිලිමත් වන ලෙසද කාලගුණවිද්යා දෙපාර්තමේන්තුව දැනුම් දී තිබෙනවා.
එම දෙපාර්තමේන්තුව නිවේදනය කරන්නේ, මේ හේතුවෙන් ඉතා තද සුළං ඇති විය හැකි බවත් මුහුදු ප්රදේශ ඉතා රළු විය හැකි බවයි.
මේ අතර බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් විටින් විට වැසි ඇති වන බවද කාලගුණවිද්යා දෙපාර්තමේන්තුව පවසනවා.
මාතලේ සහ හම්බන්තොට දිස්ත්රික්කවල වැසිවාර කිහිපයක් ඇතිවිය හැකි බවයි සඳහන් කර ඇත්තේ.
මධ්යම කඳුකරයේ බටහිර බෑවුම් ප්රදේශවලත්, උතුරු, උතුරු-මැද සහ වයඹ පළාත්වලත් ත්රිකුණාමලය, හම්බන්තොට සහ මොනරාගල දිස්ත්රික්කවලත් විටින් විට හමන පැ.කි.මී. 40-50ක පමණ තද සුළං ඇති වනවා.
