ඉදිරි ජනාධිපතිවරණයේදී විපක්ෂ නායක සජිත් ප්රේමදාස මහතාට සහාය දැක්වීමට ගත් තීරණය සම්බන්ධයෙන් ඉලංකෙයි තමිල් අරසුකච්චි යළි සලකා බැලීමට තීරණය කර තිබෙනවා.
පක්ෂ නායක මාවෙයි සේනාධිරාජා මහතා සඳහන් කළේ, ඊයේ (10) දිනයේ මේ පිළිබඳව වවුනියාවේ දී රැස්වී සාකච්ඡා කළ බවයි.
ඒ අනුව පක්ෂයේ අවසන් තීරණය එළඹෙන 15 දිනට පෙර ඉදිරිපත් කිරීමට සූදානම් බවද ඔහු වැඩිදුරටත් පැවසුවා.
කෙසේවෙතත් ඉලංකෙයි තමිල් අරසුකච්චි පක්ෂයේ මාධ්යම කාරක සභාව රැස්වී එම පක්ෂය සමගි ජන බලවේගයට සහාය දීමට තීරණය කළ බව පසුගිය දා පක්ෂයේ මාධ්ය ප්රකාශක එම්. සුමන්තිරන් මහතා ප්රකාශ කළා.
නමුත් එම ප්රකාශය නිකුත් කර ස්වල්ප වෙලාවකට පසු එම පක්ෂයේ නායක මාවෙයි සේනාධිරාජා මහතා පැවසුවේ තමන් සමගි ජන බලවේගයට සහාය දීමට පක්ෂය ගත් තීන්දුව පිළිබඳ දැනුම්වත් නැති බවයි.
Comments
