තමන් සමග රට ගොඩනගන්න එක්වන්නැයි සජිත් සහ අනුරට ආරාධනා කරන බව ජනපති රනිල් වික්‍රමසිංහ මහතා පවසනවා.
ඔහු මේ බව සඳහන් කළේ, අද ගම්පහ දිස්ත්‍රික්කය කේන්ද්‍ර කර ගනිමින් පැවති “එක්ව ජය ගමු – අපි ගම්පහ” ගම්පහ රැළිය අමතමින්.
එහිදී වැඩිදුරටත් අදහස් දැක්වූ ජනාධිපතිවරයා,
” මේ තරුණයින්ට අනාගතයක් දෙන්න ඕනේ. ඒ නිසා මෙතනින් වෙනසක් කරන්න ඉන්නේ. සෙල්ලම් කරලා බොරු කියලා බොරු පොරොන්දු දීලා වැඩක් නෑ. දේශපාලන නායකයින්ගේ න්‍යාය පත්‍රයට රට හ්දන්න යන්නේ නෑ. රටේ න්‍යාය පත්‍රයට දේශපාලන නායකයින්ට හැදෙන්න කියනවා. ඒ නිසා මම සජිත්ටත් අනුරටත් ආරාධනා කරනවා අපිත් එක්ක එක්තු වෙලා ඉදිරියට යන්න කියලා.”
