19 වැනි ව්‍යවස්ථා සංශෝධනයේ අරමුණ වූයේ විධායක ජනපති ක්‍රමයේ අසීමිත බලතල අඩුකර, ජනාධිපතිවරයාගේ ධුර කාලය අවුරුදු 6 සිට 5 දක්වා අඩු කිරීම බව, හිටපු ජනාධිපති මෛත්‍රීපාල සිරිසේන මහතා අවධාරණය කරයි.
ඔහු මේ බව සඳහන් කළේ , ජනාධිපති රනිල් වික්‍රමසිංහ මහතා පසුගියදා කළ ප්‍රකාශයකට ප්‍රතිචාර දක්වමිනි.
පෙරේදා (19) පැවති වැඩසටහනකට එක්වෙමින් ජනාධිපති රනිල් වික්‍රමසිංහ මහතා පැවසුවේ, 19 වැනි සංශෝධනයේදී ජයම්පති වික්‍රමරත්න මහතාගේ පළපුරුද්ද අඩුකම හේතුවෙන් අදාළ සංශෝධනය නිවැරදිව සිදුව නොමැති බවයි.
ඊට, ඊයේ (20) ජයම්පති වික්‍රමරත්න මහතා ද සිය ප්‍රතිචාරය පළ කළේ ය.
ඒ දෙදෙනාගේ ම ප්‍රකාශවලට හිටපු ජනාධිපති මෛත්‍රීපාල සිරිසේන මහතා අද (21) පොළොන්නරුවේදී ප්‍රතිචාර දැක්වුවා.
