ඉන්දියාව සහ ශ්රී ලංකාව අතර පෝක් සමුද්ර සන්ධියේ සීමාවන් සහ කච්චතිව් ප්රශ්නය සම්බන්ධයෙන් කිසිදු අලුත් එකඟතාවක් ඇතිකරගෙන නැතැයි ශ්රී ලංකා විදේශ කටයුතු අමාත්යාංශය අවධාරණය කර තිබෙනවා.
එවැනි කිසිදු සාකච්ඡාවක් පැවතී නොමැති බව විදේශ කටයුතු අමාත්ය ජනාධිපති නීතිඥ අලි සබ්රි මහතා සඳහන් කර තිබෙන බව වාර්තා වනවා.
ඉන්දියාව සහ ශ්රී ලංකාව අතර පෝක් සමුද්ර සන්ධියේ සීමාවන් සහ කච්චතිව් දූපත පිළිබඳව නව එකඟතාවක් දෙරට අතර ඇතිකරගෙන ඇති බවට හින්දු පුවත්පත ඊයේ වාර්තා කළේ නිල ප්රකාශයෙකු උපුටා දක්වමින්.
නමුත් එම වාර්තාව අනුව දෙරට අතර ඇතිකරගෙන ඇති නව එකඟතා පිළිබඳව කිසිදු තොරතුරක් සඳහන් වූයේ නැත.
කෙසේ වෙතත්, ශ්රී ලංකා විදේශ කටයුතු අමාත්ය ජනාධිපති නීතිඥ අලි සබ්රි මහතා අවධාරණය කළේ, එවැනි සාකච්ඡාවක් සිදුව නැති බවටයි.
