නීතිපති සංජය රාජරත්නම්ගේ ධුර කාලය තවත් මාස 6කින් දීර්ඝ කිරීමට ජනාධිපතිවරයා කළ යෝජනාව ආණ්ඩුක්රම ව්යවස්ථා සභාව විසින් යළිත් වරක් ප්රතික්ෂේප කර තිබෙනවා.
මෙහිදී ආණ්ඩුක්රම ව්යස්ථා සභාව පැවැත්වූ ඡන්දයෙන් අදාළ යෝජනාවට විරුද්ධව මන්ත්රීවරුන් 5 දෙනෙකු සහ පක්ෂව මන්ත්රීවරු 3 දෙනෙකු ඡන්දය භාවිත කර ඇති බවයි වාර්තා වෙන්නේ.
මින් පෙර අවස්ථාවකද, නීතිපති සංජය රාජරත්නම්ගේ නිල කාලය දීර්ඝ කිරීම සඳහා ජනාධිපති රනිල් වික්රමසිංහ සිදු කර ඇති නිර්දේශය ව්යවස්ථාදායක සභාව විසින් ප්රතික්ෂේප කරනු ලැබුවා.
නීතිපතිවරයාගේ සේවා දීර්ඝය පිළිබඳ ජනාධිපතිවරයා කළ නිර්දේශය සලකා බැලීමට අවස්ථා දෙකකදී ආණ්ඩුක්රම ව්යවස්ථා සභාව රැස්වුවත් අවසන් තීරණයක් ගැනීමට නොහැකි වුණා.
නීතිපතිවරයාට ලබන දෙසැම්බර් මස 31වනතෙක් සේවා දීර්ඝයක් ලබාදීමට ජනාධිපති රනිල් වික්රමසිංහ විසින් නිර්දේශ කර තිබුණා.
ඒ අනුව නීතිපති රාජරත්නම්ගේ සේවා කාලය ලබන අද (26) දිනයෙන් අවසන් වීමට නියමිත වුණා.
