අධ්‍යාපන අනධ්‍යයන සේවාවට ජාතික ප්‍රතිපත්තියක් සකස් කරන ලෙස ඉල්ලා අධ්‍යාපන අනධ්‍යයන සේවකයින් අද (24) සහ හෙට (25) අසනීප නිවාඩු වාර්තා කිරීමට තීරණය කර තිබෙනවා.
ඒ, විශ්වවිද්‍යාල අනධ්‍යයන සේවකයින් දින 53ක කාලයක් වෘත්තිය ක්‍රියාමාර්ගයක නිරත වන පසුබිමකයි.
එමෙන්ම, ගුරු වැටුප් විෂමතා ඇතුළු ඉල්ලීම් කිහිපයක් මුල් කරගනිමින් අනිද්දා අසනීප නිවාඩු වාර්තා කර වෘත්තිය ක්‍රියාමාර්ගයක නියැලෙන බව ගුරු විදුහල්පති – වෘත්තිය සමිති සන්ධානයද ප්‍රකාශ කළා.
කෙසේ වෙතත් අධ්‍යාපන අමාත්‍යංශය නිවේදනයක් නිකුත් කරමින් සඳහන් කළේ අද සිට රජයේ පාසැල්වල කටයුතු සාමාන්‍ය පරිදි සිදු කෙරෙන බවයි.
