ඉන්දීය අග්රාමාත්ය නරේන්ද්ර මෝදිගේ භාරතීය ජනතා පක්ෂය ඉන්දීය මැතිවරණ ක්රියාවලිය පිළිබඳව දැනුම්වත් කිරීම සඳහා එක්සත් ජාතික පක්ෂය සහ ශ්රී ලංකා පොදුජන පෙරමුණේ නියෝජිතයින්ට ආරාධනා කර තිබූ බව ඉන්දීය මාධ්ය වාර්තා කරනවා.
ශ්රී ලංකාව ඇතුළු රටවල් 10ක දේශපාලන පක්ෂ 18ක නියෝජිතයන් මෙම දැනුවත් කිරීමේ වැඩසටහනට සහභාගි වී ඇති බවයි වාර්තා වන්නේ.
ඒ සදහා පොදුජන පෙරමුණේ පාර්ලිමේන්තු මන්ත්රී නිපුන රණවක මහතා සහ එක්සත් ජාතික පක්ෂයේ තරුණ වෘත්තීයවේදීන්ගේ සංවිධානයේ ප්රධානී සුමුදු කැකුළන්දල මහතා සහභාගී වී තිබෙනවා.
ද හින්දු පුවත්පත සඳහන් කරන්නේ, විදේශීය දේශපාලන පක්ෂ සහ නියෝජිතයින්ට ඉන්දීය මැතිවරණ ක්රියාවලිය පිළිබඳව අවබෝධයක් ලබා දීමේ අරමුණින් මෙම තීරණය ගෙන ඇති බවයි.
ලොව විශාලතම ප්රජාතන්ත්රවාදී ක්රියාදාමය හෙවත් ඉන්දීය මහ මැතිවරණය පසුගිය අප්රේල් 09 අරම්භ වු අතර, එය ලබන ජුනි 01 දක්වා ක්රියාත්මකයි.
ඒ අනුව, එරට ලෝක් සභාවට නියෝජිතයින් තොරා ගැනිමේ මැතිවරණ ක්රියාදාමය නිරීක්ෂණයට සහ ඒ පිළිබඳව අවබෝධයක් ලබා ගැනීමට විදෙස් රටවල දේශපාලන පක්ෂ හා නියෝජිතයින්ට මෙලෙස ඇරියුම් කර තිබෙනවා.
