ජාත්යන්තර මූල්ය අරමුදලේ දෙවැනි සමාලෝචනය සම්පූර්ණ වනවිට වාණිජ ණයහිමියන් සමග එකඟතාවයකට එළැඹීමට ශ්රී ලංකාවට හැකිවෙතැයි දැඩි ලෙස අපේක්ෂා කළ හැකි බව ජාත්යන්තර මූල්ය අරමුදල පවසනවා.
ඩොලර් බිලියන 12ක ණය ප්රතිව්යුහගතකරණය සඳහා ශ්රී ලංකාව මේ වනවිට බැඳුම්කරහිමියන් සමග සාකච්ඡා කරමින් පවතියි. එය ආරථික අර්බුදයෙන් ගොඩඒම සඳහා ශ්රී ලංකාවට අවශ්ය ම පියවරක් ලෙස සැලකෙනවා.
ජාත්යන්තර මූල්ය අරමුදලේ ප්රකාශිකා ජූලි කොසැක් ප්රවෘත්ති සාකච්ඡාවකදී ඒ බව පවසා තිබුණා.
පසුගිය වසරේ මාර්තු මාසයේදී ඩොලර් බිලියන 2.9ක විස්තීර්ණ ණය පහසුකමක් ජාත්යන්තර මූල්ය අරමුදල විසින් ශ්රී ලංකාව ට අනුමත කළ අතර එය වසර 4ක වැඩසටහනක්.
ඒ යටතේ වූ දෙවැනි සමාලෝචනයට ශ්රී ලංකාව සහ ජාත්යන්තර මූල්ය අරමුදල කාර්ය මණ්ඩල මට්ටමින් එකඟතාවයකට එළැඹුණා.
නමුත් එය ජාත්යන්තර මූල්ය අරමුදලේ විධායක මණ්ඩලය අනුමත කළ යුතුයි.
