අද (05) සිට සිංහල අලුත් අවුරුදු උත්සවය අවසන් වන තෙක් වී මිල දී ගැනිම තාවකාලිකව අත්හිටුවීමට තීරණය කළ බව වී අලෙවි මණ්ඩලය පවසනවා.
වී අලෙවි මණ්ඩලය විසින් සිදු කරන වී මිල දී ගැනිම් පිළිබඳව ප්රගති සමාලෝචන රැස්වීමක් ඊයේ (04) කෘෂිකර්ම අමාත්යාංශයේ දී පැවැත්වුණා.
එහිදී අදහස් දැක්වූ එම මණ්ඩලයේ සභාපති නීතිඥ බුද්ධික ඉද්දමල්ගොඩ මහතා සඳහන් කළේ අලුත් අවුරුදු නිවාඩුව අවසන් වූ වහාම වී මිල දී ගැනීම් යළි අරඹන බවයි.
වී අලෙවි මණ්ඩලයට ඊයේ (04) වනවිට වී කිලෝ ග්රෑම් ලක්ෂ 40ක් මිල දී ගැනීමට හැකි වූ බවද සභාපතිවරයා මෙහිදී පෙන්වා දී තිබෙනවා.
ඔහු තවදුරටත් දැනුම් දී ඇත්තේ වී මිල දී ගැනීම සඳහා තවදුරටත් අවශ්ය තරම් මුල්ය ප්රතිපාදන ඇති බවයි.
සිංහල අලුත් අවුරුදු උත්සවය අවසන් වන තෙක් වී මිල දී ගැනිම තාවකාලිකව අත්හිටුවීමට තීරණය කර ඇත්තේ ගොවින් වී අලෙවි කළ පසු ඊට අදාල මුදල් බැංකුව මගින් ගැනීමට යාමේ දී ඇති විය හැකි ප්රමාදයන් සැළකිල්ලට ගනිමින්.
වී අලෙවි මණ්ඩලය විසින් දැනට මිල දී ගෙන ඇති වීවලින් 90 % ක් පමණ රතු නාඩු වන අතර සම්බා හා කීරි සම්බා සහල් වී අලෙවි මණ්ඩලයට ගොවීන් විසින් අලෙවි නොකරන බව ද වී අලෙවි මණ්ඩලයේ සභාපති නීතිඥ බුද්ධික ඉද්දමල්ගොඩ මහතා සඳහන් කරනවා.
