එක්සත් ජාතීන්ගේ මානව හිමිකම් කවුන්සිලයේ මහ කොමසාරිස් වෝල්කර් ටර්ක් අද (ජූනි 23) මෙරටට පැමිණෙන බව විදේශ කටයුතු අමාත්යාංශයේ ඉහළ නිලධාරීයෙක් පැවසුවා.
මහ කොමසාරිස්වරයා ජනාධිපති අනුර කුමාර දිසානායක, අගමැති හරිනි අමරසූරිය, විදේශ කටයුතු ඇමති විජිත හේරත්, අධිකරණ ඇමති හර්ෂණ නානායක්කාර හමුවීමට නියමිත බව අමාත්යාංශයේ ඉහළ නිලධාරීයා සදහන් කළා.
මහනුවර දළදා මාලිගාව, ත්රිකුණාමලය, යාපනය වැනි ප්රදේශවල මහ කොමසාරිස්වරයා සංචාරය කරන බව පැවසෙනවා.
අතුරුදන් වූවන් පිළිබඳ කාර්යාංශය, ජාතික සහජීවනය සඳහා වූ කාර්යාලයේ නිලධාරීන් මුණගැසී සාකච්ඡා කිරීමට මහ කොමසාරිස්වරයා බලාපොරොත්තු වන බවද සදහන් කළා.
වෝල්කර් ටර්ක් ඔස්ට්රියානු ජාතිකයෙක් වන අතර ඔහු පසුගිය 2022 වසරේදී සිය තනතුරේ වැඩ භාර ගත්තා.
එක්සත් ජාතීන්ගේ මානව හිමිකම් කවුන්සිලයේ මහ කොමසාරිස්වරයෙක් මෙරටට පැමිණෙන්නේ වසර 2016න් පසු පළමු වතාවටයි.
එසේ ම, විදේශ කටයුතු අමාත්ය විජිත හේරත් සහ වෝල්කර් ටර්ක් අතර හමුවක් පසුගිය වසරේ ජිනීවාහිදී පැවැත්විණි.
මෙරට ගැටුම්වල නිදන්ගත හේතුවලට විසඳුම් දීම හා ආයතනික සහ ව්යාවස්ථාපිත ප්රතිසංස්කරණ සිදුකිරීම සඳහා අලුතින් පත්වූ රජය කැපවීම් කළ යුතු බව වෝල්කර් ටර්ක් මීට පෙර සඳහන් කරනු ලැබුවා.
