එප්පාවල විවිධ සේවා සමුපකාර සමිතියේ ගොඩනැඟිල්ලක් ඉදිකිරීමේදී වංචාවක් හෝ දූෂණයක් සිදු කර ඇති බවට තමාට එරෙහිව ඉදිරිපත් කර ඇති පැමිණිල්ල සම්බන්ධයෙන් ඕනෑම පරීක්ෂණයකට පෙනී සිටින බව හිටපු ජනාධිපති මෛත්රීපාල සිරිසේන මහතා පවසයි.
නිවේදනයක් නිකුත් කරමින් ඒ මහතා පවසා ඇත්තේ, එප්පාවල විවිධ සේවා සමුපකාර සමිතියේ උපසභාපතිවරයා විසින් මූල්ය අපරාධ විමර්ශන කොට්ඨාසයට (FCID) කර ඇති පැමිණිල්ලේ තොරතුරු සම්පූර්ණයෙන්ම අසත්ය බවයි.
එම පැමිණිල්ලේ සඳහන් කරුණු අසත්ය ඉතාමත් සාවද්ය කරුණු බව මහජනතාවගේ දැන ගැනීම සඳහා දැනුම් දෙන බව ද එහි සඳහන් කර තිබේ. ඉහත කරුණු සම්බන්ධයෙන් ඕනෑම පරීක්ෂණයකට මා සතුටින් ඉදිරිපත් වන අතර මෙවැනි ප්රචාර යවා අසත්ය චෝදනා කරමින් කිසිදු වංචාවකට හෝ දූෂණයකට සම්බන්ධ නොමැති මා සම්බන්ධයෙන් කරන චරිත ඝාතන තරයේ හෙළා දකින බව ද සඳහන් කර තිබේ.
