09 වැනි විධායක ජනාධිපතිවරයා තෝරාපත්කර ගැනීමේ ඡන්ද විමසීමේ තැපැල් ඡන්ද භාවිතය 98% ක් බව ජේෂ්ඨ නියෝජ්ය තැපැල්පති රාජිත රණසිංහ මහතා පවසනවා.
මේවන විට ලියාපදිංචි රක්ෂිත පැකට්ටු ලක්ෂ 07කට අධික සංඛ්යාවක් තැපැල් දෙපාර්තමේන්තුව වෙත ලැබී තිබෙනවා.
ජේෂ්ඨ නියෝජ්ය තැපැල්පතිවරයා පවසන්නේ, ඊයේ (10) දින වන විට රක්ෂිත පැකට්ටු වලින් 85% ක් ඒ ඒ ප්රදේශ වල තේරීම් භාර නිලධාරීන් වෙත ලබාදීමට කටයුතු කර ඇති බවයි.
මේ අතර පසුගිය 04,05 සහ 06 තෙදින තැපැල් ඡන්ද භාවිතා කිරීමට නොහැකි වූ රාජ්ය නිලධාරීන්ට 11 සහ 12 සිය තැපැල් ඡන්දය ප්රකාශ කිරීමට අවස්ථාව ලබාදී ඇති බව මැතිවරණ කොමිෂන් සභාවේ සභාපති ආර්.එම්.ඒ.එල්.රත්නායක මහතා පවසනවා.
ඒ අනුව සිය සේවා ස්ථානය පිහිටි දිස්ත්රික්කයේ දිස්ත්රික් ලේකම් කාර්යාලය වෙත පැමිණ තැපැල් ඡන්දය ප්රකාශ කිරීමට අවස්ථාව ලබාදී ඇති බව ඔහු වැඩිදුරටත් පැවසුවා.
