පවතින අයහපත් කාලගුණ තත්වය හමුවේ සිදුවිය හැකි ආපදා තත්වයන් සඳහා හෙලිකොප්ටර් යානා 3 ක් සූදානම් කර ඇති බව ගුවන් හමුදාව පවසනවා.
නාවික හමුදා මාධ්ය ප්රකාශක කපිතාන් ගයාන් වික්රමසුරිය ප්රකාශ කළේ, ආපදා තත්වයන් හමුවේ මුදා ගැනීමේ භට පිරිස් ද ලැබෙන ඉල්ලීම්වලට අනුව යොමු කරන බවයි.
එමෙන්ම, අධික වැසි හේතුවෙන් බස්නාහිර සහ දකුණු පළාත්වලට නාවික හමුදා කණ්ඩායම් 5 බැගින් සහ බෝට්ටු 10 ක්ද යොදවා ඇති බව නාවික හමුදා මාධ්ය ප්රකාශක කපිතාන් ගයාන් වික්රමසුරිය ප්රකාශ කළා.
එමෙන්ම අයගම, දෙහිඕවිට, කිරි ඇල්ල, මොරවක, තවලම සහ තිහගොඩ යන ප්රදේශ වලට කණ්ඩායම් සහ බෝට්ටු තුන බැගින් යොදවා ඇති බව යුද හමුදා මාධ්ය ප්රකාශක මේජර් ජෙනරාල් රසික කුමාරද සඳහන් කළා.
මේ අතර යුධ හමුදාවේ සහන කණ්ඩායම් 07 ක් සහන බෝට්ටු 08 ක් සමග යොදවා ඇති බව යුද හමුදාව නිවේදනය කරනවා.
ඒ කිරි ඇල්ල, දෙහිඕවිට, ගලතුරු ඔය, මොරවක, තිහගොඩ, තවලම සහ නෙළුව යන ප්රදේශ වලට සහන සැලසීම සඳහායි.
