දුම්කොළ භාවිතය නිසා දිනකට පුද්ගලයන් 50ක් මරණයට පත් වන බවට ලෝක සෞඛ්ය සංවිධානය ඇස්තමේන්තු කර ඇති බව මධ්යසාර හා මත්ද්රව්ය තොරතුරු මධ්යස්ථානය පවසනවා.
එහි විධායක අධ්යක්ෂ සම්පත් ද සේරම් මහතා සඳහන් කළේ මෙරට මරණ අතරින් 83% ක් බෝ නොවන රෝග නිසා මරණයට පත් වන අතර බෝ නොවන රෝග ඇති කරන ප්රධාන සාධක හතරෙන් දුම්වැටි භාවිතය ප්රධාන සාධකයක් බවයි.
ශ්රී ලාංකිකයන් දිනකට සිගරට් භාවිතයට රුපියල් මිලියන 520ක් වියදම් කරන බව ද සම්පත් ද සේරම් මහතා පවසනවා.
ඔහු තවදුරටත් පෙන්වා දෙන්නේ වර්තමානය වන විට මෙරට පුද්ගලයන්ගේ සිගරට් භාවිතය 9.1% කින් අවම වී ඇති අතර මෙරට පුද්ගලයන්ගෙන් මිලියන 1.5ක් තවමත් සිගරට් භාවිතය සිදු කරන බවයි.
මෙරට අඩු වෙමින් පවතින සිගරට් භාවිතය තවදුරටත් අඩු කිරීමට දුම්කොළ සහ මද්යසාර පිළිබද ජාතික අධිකාරි පනත යටතේ සිදු විය යුතු වෙනස්කම් කිහිපයක් පිළිබදව වසර ගණනාවක සිට යෝජනා ඉදිරිපත් කළද එම යෝජනා ක්රියාවට නැංවීම සිදු නොකිරීම කනගාටුවට කරුණක් බවද මධ්යසාර හා මත්ද්රව්ය තොරතුරු මධ්යස්ථානයේ විධායක අධ්යක්ෂ සම්පත් ද සේරම් මහතා අවධාරණය කරනවා.
