අමාත්යවරයෙකු වශයෙන් කටයුතු කරමින් අයථා ලෙස උපයාගත් රුපියල් මිලියන 27කට අධික මුදලක් වැය කොට කොළඹ කින්සි පාරේ සුඛෝපභෝගී නිවසක් මිලදී ගැනීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදු කළේ යැයි චෝදනා ලබා සිටි හිටපු අමාත්ය මහින්දානන්ද අලුත්ගමගේට එරෙහිව ගොණුකර ඇති නඩුවේ තීන්දුව ප්රකාශ කිරීම මේ මස 30 වනදා දක්වා කල් තැබීමට කොළඹ මහාධිකරණය නියම කරනු ලැබුවා.
මෙම නඩුවේ තීන්දුව අද දින ප්රකාශයට පත් කිරීමට නියමිතව තිබුණු අතර මහාධිකරණ විනිසුරු නවරත්න මහරසිංහ මහතා සඳහන් කළේ එහි තීන්දුව ප්රකාශ කිරීම ලබන 30 වන දා සිදු කරන බවයි.
මෙම චෝදනාව සම්බන්ධයෙන් ඉකුත් යහපාලන රජය සමයේ නීතිපතිවරයා විසින් හිටපු අමාත්ය මහින්දානන්ද අලුත්ගමගේට එරෙහිව මෙම නඩුව ගොනුකර තිබුණා.
Comments
