කෙටි කාලීන ව්යාපාරික වීසා නිකුත් කිරීම අත්හිටුවීමෙන් ව්යාපාරිකයන් දැඩි ගැටලුවකට මුහුණ පා සිටින බවත් එම ගැටලුව කඩිනමින් නිරාකරණය කරන ලෙස ආණ්ඩුවෙන් ඉල්ලා සිටින බවත් ඒකාබද්ධ ඇඟලුම් සංගම් සංසදය පවසනවා.
එම සංසදය මේ බව නිවේදනයක් නිකුත් කරමින් කියා සිටියා.
අගෝස්තු මස 2 වැනිදා සිට කෙටි කාලීන ව්යාපාරික වීසා නිකුත් කිරීම අත්හිටුවීමෙන් නිසි ව්යාපාරික වීසා නිකුත් කිරීමේ ක්රමවේදයක් නොමැති වීමෙන් නිල විදේශ ව්යාපාරිකයන්ට මෙරට පැමිණීමේදී දුෂ්කරතා ඇති වී ඇති බවත් මෙම තත්වය මෙරට ව්යාපාර කෙරෙහි අනිසි බලපෑම් ඇතිකර ඇති බවත් එම සංසදය පවසනවා.
අපනයන සහ ව්යාපාරික වර්ධනය සඳහා ජාත්යන්තර සහභාගිත්වය අත්යවශ්ය සාධකයක් බව කියන ඒකාබද්ධ ඇඟලුම් සංගම් සංසදය ජාතික ආර්ථිකයේ අනාගතය වෙනුවෙන් විශේෂයෙන්ම ඇඟලුම් කර්මාන්තයට විදේශ ව්යාපාරික ප්රජාවගේ සහභාගිත්වය අනිවාර්ය සාධකයක් බව ද එම නිවේදනයෙන් වැඩිදුරටත් සඳහන් කරනවා.
