මේ වසරේ ප්‍රථම චන්ද්‍රග්‍රහණය දැකබලා ගැනීමට අද(25) ලෝකවාසීන්ට අවස්ථාව හිමි වෙනවා.
කොළඹ විශ්වවිද්‍යාලයේ භෞථික විද්‍යා අධ්‍යනාංශයේ මහාචාර්ය චන්දන ජයරත්න පැවසුවේ, අද පෙරවරු 10.23 සිට පස්වරු 03.02 දක්වා මෙම චන්ද්‍රග්‍රහණය දිස්වන බවයි.
කෙසේ වෙතත් මෙම චන්ද්‍රග්‍රහණය දහවල් කාලයේ සිදුවීම හේතුවෙන් ශ්‍රී ලාංකිකයින්ට එය දිස් නොවන බව ඔහු පෙන්වා දෙනවා.
මෙම වසරේ ඉදිරියේදී චන්ද්‍රග්‍රහණ 2ක් සහ සූර්යග්‍රහණ 2ක් සිදු වුවද ශ්‍රී ලංකාවාසීන් හට ඒ කිසිවක් දැක බලා ගැනීමට අවස්ථාවක් නොලැබෙන අතර, මීළඟට අපට දිස්වීමට නියමිත ග්‍රහණය 2025 සැප්තැම්බර් 07 වැනි දින ඇතිවීමට නියමිත සූර්යග්‍රහණය බව මහාචාර්ය ජයරත්න මහතා තවදුරටත් සඳහන් කළා.
අද ප්‍රථම අර්ධ චන්ද්‍රග්‍රහණය ශ්‍රී ලංකාවට නොපෙනුනත් එය යුරෝපයේ බොහෝ ප්‍රදේශ, උතුරු / නැගෙනහිර ආසියාව, ඕස්ට්‍රේලියාවේ බොහෝ ප්‍රදේශ, අප්‍රිකාව, උතුරු ඇමෙරිකාව, දකුණු ඇමරිකාව, පැසිෆික්, අත්ලාන්තික්, ආක්ටික් සහ ඇන්ටාක්ටිකාව ඇතුළු ලෝකයේ විශාල කොටසකට එය දෘශ්‍යමාන වනු ඇති.
