හංගේරියාවේ මෝටර් රථ තරඟාවලියක් අතරතුර සිදුවූ අනතුරකින් පුද්ගලයින් සිව්දෙනෙක් මියගොස් තිබෙනවා.
විදෙස් මාධ්ය වාර්තා කළේ, අනතුරින් තුවාල ලැබූ තවත් 8 දෙනෙක් රෝහල්ගතව ප්රතිකාර ලබන බවයි.
හංගේරියාවේ පැවති මෝටර් රථ තරගාවලියක් අතරතුර ධාවන පථයෙන් ඉවතට විසිවී ගොස් නරඹන්නන් සිටින ස්ථානයක ගැටී අනතුරක් සිදුව තිබෙනවා.
තරගය පවත්වා තිබුණේ උතුරු හංගේරියාවේදී වන අතර, අනතුර සිදුවූ ආකාරය මෙතෙක් අනාවරණ කර නැහැ.
තුවාල ලැබූවන් ඉවතට ගෙන යාමට ගිලන් රථ මෙන්ම හෙලිකොප්ටර් යානාද යොදවා තිබුණු බවයි වාර්තා වන්නේ.
එමෙන්ම විදෙස් මාධ්ය පවසන්නේ, අනතුර හේතුවෙන් තරඟාවලිය අත්හිටුවීමට සංවිධායකයින් පියවර ගෙන ඇති බවයි.
Comments
