ප්‍රභූපවුල්වලට ඇති දේශපාලන බලය පොදු ජනයාගේ පවුල් වෙත මාරු කර ගැනීමට අවශ්‍ය බව ජාතික ජනබලවේගයේ නායක අනුර කුමාර දිසානායක මහතා පවසනවා.
කැකිරාවේදී පැවැත්වුණු ජාතික ජනබලවේගයේ අනුරාධපුර දිස්ත්‍රික් තරුණ රැළිය අමතමින් අනුර කුමාර දිසානායක මහතා මේ බව සඳහන් කළා.
අනුර කුමාර දිසානයක මහතා මෙහිදී පවසා සිටියේ සාමන්‍ය පවුලක දරුවන්ට දේශපාලන අනාගතයක් නිර්මාණය කරන්නේ නම් ඒ සඳහා ඇති එකම වේදිකාව ජාතික ජන බලවේගය බවයි.
එහිදී වැඩිදුරටත් අදහස් දැක්වූ අනුර කුමාර දිසානායක මහතා,
“මේ වගේ වේදිකාවක නාඹර කැකුළන් කැකුළියන් හොඳට පේන්න ඉන්නවා. ඒගොල්ලන්ගෙ වේදිකාව බලපුවාම වැඩිහිටි අය ටිකක් සං‍යුතියෙන් වැඩියි. අතීත බැඳීමක් තියෙනවා. යම් ප්‍රමාණෙකට අර අතීතෙන් ගැලවෙන්න බැරුව ඉන්නවා. ඊට වඩා අපේ දරුවන්ට හරි හමන් ආදායම් මාර්ගයක් නැති අර්බුදයක් තියෙනවා. අන්න ඒ අර්බුධයට තියෙන්නේ දේශපාලන උත්තරයක්. ඒ නිසා මේ සැරේ ඡන්දෙ දෙන්න ඕන පඬුරක් ගැට ගහනවා වගේ”
