ජනාධිපතිවරණය පවත්වන දිනය හෙට (26) මධ්යම රාත්රියේදී බොහෝ දුරට ප්රකාශ කෙරෙනු ඇතැයි මැතිවරණ කොමිෂන් සභා ආරංචි මාර්ග සඳහන් කළා.
එම ගැසට් නිවේදනය නිකුත් කිරීමට සූදානමින් සිටින ලෙස මැතිවරණ කොමිෂන් සභාව රජයේ මුද්රණාලයට ඊයේ දැනුම් දී තිබෙනවා.
මේ අනුව ගැසට් නිවේදනය නිකුත් කිරීමට සියලු කටයුතු සූදානම් කර ඇතැයි රජයේ මුද්රණාලාධිපතිනී ගංගානි කල්පනා ලියනගේ මහත්මිය පැවසුවා.
මේ සම්බන්ධයෙන් අප මැතිවරණ කොමිෂන් සභාවේ සභාපති ආර්.එම්.ඒ.එල් රත්නායක මහතාගෙන් කළ විමසුමකදී ඔහු පැවසුවේ එම නිවේදනය දැනටමත් සකස් කර අවසන් බවයි.
මේ අතර මැතිවරණ කොමිෂන් සභාව අද (25) පෙරවරුවේ රැස්වීමට නියමිතයි.
ජනාධිපතිවරණයට අදාළ කටයුතු කිහිපයක් සම්බන්ධයෙන් මෙහිදී දීර්ඝව සාකච්ඡා කරන බව කොමිසමේ සභාපතිවරයා වැඩිදුරටත් පැවසුවා.
මේ අතර ජනාධිපතිවරණය සඳහා අවශ්ය වන ඇඟිලි සලකුණු කිරීමේ තීන්ත, ලිපි ද්රව්ය ඇතුළු අවශ්ය උපකරණ මිලදී ගැනීම සඳහා ප්රසම්පාදන කටයුතු අරඹා ඇතැයි කොමිෂන් සභා ආරංචි මාර්ග සඳහන් කළා.
