මේ වනවිට රට තුළ දේශපාලන කුමන්ත්රණ ශීඝ්රයෙන් ඉහළ ගොස් ඇති බව විපක්ෂ නායක සජිත් ප්රේමදාස මහතා පවසනවා.
කුරුණෑගල මාවතගම පරගහදෙණිය ජාතික පාසලට සක්වල සුහුරු පන්තිකාමරයක් ලබාදීමේ වැඩසටහනට එක්වෙමින් ඒ මහතා මේ බව ප්රකාශ කළා.
සජිත් ප්රේමදාස මහතා මෙහිදී තවදුරටත් සඳහන් කළේ, ජනතාවගේ ඡන්දයෙන් බලයට පත්වී ඔවුන්ගේ ආත්මය පාවා දෙන දේශපාලන සංස්කෘතියක් මේ වන විට නිර්මාණය වී ඇති බවයි.
එහිදී, වැඩිදුරටත් අදහස් දැක්වූ විපක්ෂ නායක සජිත් ප්රේමදාස මහතා,
“වායු සමීකරණය කරපු නිදියහන්වල සැතපී සිටින අධිසුඛෝපභෝගී ජීවිත ගත කරන මේ රටේ එක්තරා කල්ලියක් ඉන්නවා. ඒ කල්ලිය කැමති නෑ මේ රටේ සාමන්ය පවුල්වල දූ දරුවන් ඉහළ මට්ටමකට එනවට. ජනතාවගේ ඡන්දයෙන් මැති සබයට ඇවිල්ලා ඔවුන්ගේ ආත්මය පාවා දෙන දේශපාලන සංස්කෘතියක් නිර්මාණය වෙලා තියෙන්නෙ. කල්ලි දේශපාලඥයෝ ඩීල් දේශපාලඥයෝ ටික ටික මතුවෙනවා.”
