ශ්රී ලංකා පොදුජන පෙරමුණ හැර ගිය රටට ආදරය කරන සියලු දෙනා නැවත පක්ෂයට සම්බන්ධ වනු ඇතැයි බලාපොරොත්තු වන බව බවත් ශ්රී ලංකා පොදුජන පෙරමුණේ මහ ලේකම් පාර්ලිමේන්තු මන්ත්රී නීතිඥ සාගර කාරියවසම් මහතා පවසනවා.
පොහොට්ටුව ඉදිරිපත් කරන ජනාධිපති අපේක්ෂකයා මෙරට නවවැනි විධායක ජනාධිපතිවරයා බවත් නාමයෝජනා ඉදිරිපත් කර සතියක් යන විට රටේ බහුතරයක් ඔහුට සහයෝගය පළකරනු ඇති බවත් සාගර කාරියවසම් මහතා මෙහිදී සඳහන් කළා.
ඔහු තවදුරටත් පවසා ඇත්තේ ශ්රී ලංකා පොදු ජන පෙරමුණට පුද්ගලයන් සමඟ තරගයක් නොමැති බවයි.
එමෙන්ම, රනිල් වික්රමසිංහ මහතා සහ පොහොට්ටුව අතර ඇත්තේ ප්රතිපත්තිමය ප්රශ්නයක් ඇති බවත් වර්තමාන ජනාධිපතිවරයා තාවකාලිකව පත්කළ කෙනෙක් බවත් සාගර කාරීයවසම් මහතා වැඩිදුරටත් පවසා තිබෙනවා.
