සමගි ජන බලවේගයේ කිසිදු කෙනෙක් වරප්‍රසාදවලට හෝ ප්‍රතිලාභවලට වෙනත් පක්ෂ සමග සම්බන්ධතා ඇති කර නොගන්නා බවට විපක්ෂ නායක සජිත් ප්‍රේමදාස මහතා පවසනවා.
ඔහු සිසුන් හමුවේ මෙම අදහස් පළ කළේ,මොණරාගල, මඩුල්ල, ගල්ගමුව ද්විතීක විද්‍යාලයේ සුහුරු පන්ති කාමර බෙදා දීමේ උත්සවයට එක්වෙමින්.
එහිදී වැඩිදුරටත් අදහස් දැක්වූ ඔහු,
“අපි කිසිම කෙනෙක් මුදලට ගන්න යන්නෙත් නෑ.අපේ කිසිම කෙනෙක් මුදලට වරදාන, වරප්‍රසාදවලට, ප්‍රතිලාභවලට කෝටි ගණන් ඩොලර්වලට හෝ කෝටි ගණන් රුපියල් වලට තක්සේරු වෙන්නේ නෑ. මහජන සේවය කියන එක මුදලට තක්සේරු කරන්න පුළුවන් දෙයක් නෙවෙයි…
අපේ කණ්ඩායමේ කිසිම කෙනෙක් නෑ වරදාන, ප්‍රතිලාභ මුදලටවහල් වෙලා ඉන්න.ඒ නිසා මම මුදල් ගනුදෙනු කරන්නට උත්සහ දරන බලයේ ඉන්න ඇත්තොන්ට කියන්න කැමති ඔය කෝටි ප්‍රකෝටි ගණන් සල්ලි ටික අපේ පාසල් වලට යොදවන්න කියලා…”
