ඊයේ (19) කැබිනට් තීරණ දැනුම්දීමේ මාධ්ය හමුවේදී අමාත්ය නලින්ද ජයතිස්ස මහතා පැවසූවේ රජයේ වෛද්යවරුන්ගේ විශ්රාම ගැන්වීමේ වයස අවුරුදු 63 දක්වා දීර්ඝ කිරීමටත් ඒ අනුව විශ්රාම වැටුප් ව්යවස්ථා සංග්රහය සංශෝධනය කිරීමට අමාත්ය මණ්ඩල අනුමැතිය හිමිවූ බවයි.
එම තීරණය හේතුවෙන් මේ වසරේ දෙසැම්බර් මස 31 වනදා වනවිට විශ්රාම යෑමට නියමිතව සිටි අයට අවුරුදු 63 දක්වා සේවය කිරීමට අවස්ථාව හිමිවන බව අමාත්යවරයා වැඩිදුරටත් පැවසීය.
සියළුම විශේෂඥ වෛද්යවරු, සියලුම ශ්රේණි වෛද්ය නිලධාරීන්, විශේෂඥ දන්ත සෛල වෛද්ය නිලධාරීන්, සියලුම දන්ත සෛල දෛව්ය නිලධාරීන්, සියලුම පරිපාලන ශ්රේණී වෛද්ය නිලධාරීන් හා රජයේ ලියාපදිංචි සියලුම වෛද්ය නිලධාරීන්ගේ අනිවාර්ය විශ්රාම ගැන්වීමේ වයස අවුරුදු 63 දක්වා දිර්ඝ කිරීමට ඒ අනුව තීරණය කර ඇත.
කෙසේවෙතත් මින් පෙර තිබූ අවුරුදු 65 දී අනිවාර්ය විශ්රාම ගැන්වීමේ වයස 2022 වසරේ දී එවකට ආණ්ඩුව විසින් අවුරුදු 60 දක්වා පහත දැමීමට කටයුතු කළේය.
