විවිධ ආකාරයේ විවිධ සිදුවීම් මත සිදුවන අවාසනාවන්ත හදිසි අනතුරු හේතුවෙන් දෛනිකව විශාල ජීවිත ප්රමාණයක් අහිමිවන බවට හෙළිවී තිබේ. ඒ අනුව හදිසි අනතුරු හේතුවෙන් දෛනිකව පුද්ගල මරණ 29ක් පමණ සිදුවන බව බව ප්රජා විශේෂඥ වෛද්ය සමිත සිරිතුංග පවසයි.
ඒ අනුව සෑම විනාඩි හතළිස් පහකටම වතාවක් මෙරටදි අනතුරු හේතුවෙන් එක්අයකු මියයයි. විශේෂඥ වෛද්යවරයා මේ බව ප්රකාශ කළේ අනතුරු නිවාරණය සම්බන්ධයෙන් ඊයේ (22 වැනිදා) පදනම් ආයතනයේදි පැවැති මාධ්ය වැඩමුළුවට එක්වෙමිනි.
වර්ෂයකට පුද්ගලයන් 10600 කු හදිසි අනතුරු හේතුවෙන් මියයන බවත් එම අනතුරු වළක්වා ගැනීමට හැකියාව පවතින බවත් ඔහු අවධාරණය කළේය.
එසේම වසරකට පුද්ගලයන් 1500 දෙනකු අනතුරු හේතුවෙන් ඇද වැටී මියයන බවද දත්ත වාර්තා පෙන්වා දෙයි. ප්රජා විශේෂඥ වෛද්ය සමිත සිරිතුංග මෙහිදී වැඩිදුරටත් ප්රකාශ කළේ මෙම අනතුරු වළක්වා ගැනීමට සෑම දෙනාම අවධානයෙන් කටයුතු කළයුතු බවයි.
