නාමල් රාජපක්ෂ, ඉදිරි ජනාධිපතිවරණය සඳහා තරඟ කරන බවට පළ වන අදහස් හිටපු ජනාධිපති මහින්ද රාජපක්ෂ මහතා විසින් ප්රතික්ෂේප කර තිබෙනවා.
මේ සම්බන්ධයෙන් මාධ්යවේදීන් යොමු කළ ප්රශ්නවලට පිළිතුරු ලබා දෙමින් මහින්ද රාජපක්ෂ මහතා පවසා ඇත්තේ තම පුතු වන නාමල් රාජපක්ෂ මහතා ජනාධිපතිවරණයකට තරඟ කිරීම සඳහා තවමත් සූදානම් නොමැති බවයි.
නාමල් රාජපක්ෂ, පසුගියදා ශ්රී ලංකා පොදු ජන පෙරමුණේ ජාතික සංවිධායක තනතුරට පත් කළ අතර ඔහුට ජනාධිපතිවරණයකට තරඟ කිරීම සඳහා තව කාලය අවශ්ය බව හිටපු ජනාධිපති මහින්ද රාජපක්ෂ මහතා සඳහන් කර තිබුණා.
එමෙන්ම, ශ්රී ලංකා පොදුජන පෙරමුණ ඉදිරි ජනාධිපතිවරණය සඳහා අපේක්ෂකයෙකු ඉදිරිපත් කරන බවත් ඒ සම්බන්ධයෙන් මෙතෙක් නිශ්චිත තීරණයක් ගෙන නොමැති බවත් මහින්ද රාජපක්ෂ මහතා පවසා සිටියා.
ඔහු තවදුරටත් සඳහන් කර ඇත්තේ පොදු ජන පෙරමුණ විසින් මේ සම්බන්ධයෙන් නිසි අවස්ථාවේදී සාකච්ඡා කරන බවයි.
