2024, ලංකා ප්රිමියර් ලීග් තරගාවලියේ අවසන් මහා තරග අද (21) කොළඹ, ආර්. ප්රේමදාස ක්රිකට් ක්රීඩාංගණයේ දී ආරම්භ වීමට නියමිතව තිබෙනවා.
ඒ, ජැෆ්නා කිංග්ස් සහ ගෝල් මාර්වල් කණ්ඩායම් අතර අද රාත්රී 7.30 ට ැාරම්භ වනවා.
මෙම තරගයේ දී ජැෆ්නා කණ්ඩායමේ නායකත්වය චරිත් අසලංක හට හිමිව ඇති අතර ගාලු කණ්ඩායම මෙහෙය වනු ලබන්නේ නිරෝෂන් දික්වැල්ල විසින්.
මූලික වටයේ ප්රසාද ලකුණු සටහනේ පෙරමුණ ගෙන සිටි ගෝල් මාර්වල් කණ්ඩායම පළමු Qualifier තරගයේ දී එහි දෙවන ස්ථානයේ පසු වූ ජැෆ්නා කණ්ඩායම කඩුලු 07කින් පරාජයට පත් කරමින් අවසන් මහා තරගයට සුදුසුකම් ලබා ගත්තා.
ඒ අනුව ජැෆ්නා කිංග්ස් කණ්ඩායම අවසන් තරගයට සුදුසුකම් ලබාගත්තේ, දෙවන Qualifier තරගයේ දී කැන්ඩි ෆැල්කන්ස් කණ්ඩායම එක් ලකුණකින් පරාජයට පත් කරමින්.
ජැෆ්නා කණ්ඩායම අවස්ථා තුනක දී ලංකා ප්රිමියර් ලීග් ශූරතාවලිය දිනාගෙන තිබීමත් විශේෂත්වයක්.
ගෝල් කණ්ඩායම අවස්ථා දෙකක දී අනුශූරයින් බවට පත් වුණා.
