ස්වාධීන ජනපති අපේක්ෂකයකුගේ ජන්ද සළකුණ යතුරු පැදියක බැඳ ප්රචාරය කරමින් මැතිවරණ ප්රචාරණය සිදුකළ පුද්ගලයන් හය දෙනෙකු අත්අඩංගුවට ගත් බව පුදුකුඩිඉරිප්පු පොලිසිය පවසනවා.
යතුරු පැදි පොළපාලියක් සමඟින් නීති විරෝධි මැතිවරණ ප්රචාරණ පිළිබඳ ලැබුණ පැමිණිල්ලක් සම්බන්ධයෙන් සිදුකළ වැටලීමකදී සැකකරුවන් අත්අඩංගුවට ගත් බවයි පොලීසිය පවසන්නේ.
රාජ්ය අමාත්යවරයකුගේ අනුග්රහය මත මෙම යතුරු පැදි පෙළපාලිය සහ නීති විරෝධී මැතිවරණ ප්රචාරණය සිදුකොට ඇති බවද පොලිසිය පවසනවා.
මෙම සැකකරුවන් ස්වාධීන ජනාධිපති අපේක්ෂයෙකුගේ ජන්ද ලකුණ ප්රදර්ශනය කරමින්, නීති විරෝධි අයුරින් යතුරුපැදි පෙළපාලියක් පවත්වමින් සිටියදී අත්අඩංගුවට ගෙන තිබුණා.
මේ අතර ආරක්ෂක රාජ්ය අමාත්ය ප්රමිති බණ්ඩාර තෙන්නකෝන් මහතා සහ හිටපු අමාත්ය ජනක බණ්ඩාර තෙන්නකෝන් මහතා ඇතුළු 100කට ආසන්න පාක්ෂිකයින් පිරිසක් ඊයේ දඹුල්ල නගරයේ අත්පත්රිකා බෙදීමක නිරතවුණා.
එය වැළැක්වීමට උත්සාහ කිරීමත් සමග උණුසුම් තත්ත්වයක්ද ඇති වුණා.
පසුව එය මැතිවරණ නීතිය උල්ලංඝනය කිරීමක් බව පවසමින් පොලීසිය එය අත්හිටුවීමට කටයුතු කළා.
