රට වර්ථමානයේ මුහුණ පා සිටින අර්බුදයෙන් ගොඩගත හැක්කේ අත්දැකීම් ඇති පරිණත නායකයෙකුට පමණක් බැවින් අත්දැකීම් නොමැති අලුත් පිරිසකට රට භාර දීමට කටයුතු නොකරන ලෙසට නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසනවා.
ඔහු මෙම අදහස් පළ කළේ, අද (30) උඩුගම්පලදී පැවැති රැස්වීමකට සහභාගී වෙමින්.
ගෝඨාභය රාජපක්ෂ මහතා ජනාධිපතිවරණයට ඉදිරිපත් කිරීමට පක්ෂය සුදානම් වනවිට තමන් ඊට විරුද්ධ වූ බවත්, එහෙත් පොහොට්ටුව ඊට කන්නොදුන් බවත් ඔහු පෙන්වා දෙනවා.
රනිල් වික්‍රමසිංහ මහතා ජනාධිපති කරනු ලැබුවේ පොහොට්ටුවේ නායකයින් මිස තමන් ඇතුළු පොහොට්ටුවේ මන්ත්‍රීවරුන් නොවන බවත්, තමන් ඇතුළු පොහොට්ටුවේ මන්ත්‍රීවරුන් කළේ ඊට සහාය ලබා දීම බවද අමාත්‍යවරයා සදහන් කළා.
ඇමතිවරයා වැඩිදුරටත් අවධාරණය කළේ, තමන් රනිල්ට කඩේ නොයන බවත්, තමන් කඩේ යන්නේ මේ රටේ ජනතාවට පමණක් බවයි.
