සියලු මාධ්ය ආයතන ප්රධානීන් අද (05) මැතිවරණ කොමිෂන් සභාවට කැඳවා තිබෙනවා.
මැතිවරණ කොමිෂන් සභාවේ සභාපති ආර්.එම්.ඒ.එල් රත්නායක මහතා පැවසුවේ, ඉදිරි ජනාධිපතිවරණයේ කටයුතු සම්බන්ධයෙන් සාකච්ඡා කිරීම සඳහා එම හමුව පැවැත්වෙන බවයි.
මේ අතර, අද පස්වරුවේ ජනමාධ්ය අමාත්යාංශයේ ලේකම්වරයා, රජයේ ප්රවෘත්ති අධ්යක්ෂ ජනරාල්වරයා සහ රාජ්ය මාධ්යවල ප්රධානින් ද කොමිසම හමුවට කැඳවා ඇති බව සභාපතිවරයා සඳහන් කළා.
හෙට සිට අමාත්යාංශ මට්ටමින් අමාත්යාංශ ලේකම්වරු, අතිරේක ලේකම්වරු ඇතුළු නිලධාරීන් ජාතික මැතිවරණ කොමිෂන් සභාව හමුවට කැඳවා තිබෙනවා.
මැතිවරණ කොමිසම පැවසුවේ, නිදහස් හා සාධාරණ මැතිවරණයක් පැවැත්වීම සඳහා අවශ්ය පසුබිම සකස් කරගැනීම වෙනුවෙන් මෙම සාකච්ඡා සිදුකරන බවයි.
