විමර්ශනයක් හේතුවෙන් කිසිදු පාර්ශවයකට කොළඹ ඩාර්ලි පාරේ පිහිටි ශ්රී ලංකා නිදහස් පක්ෂ මුලස්ථානයට ඇතුළුවීම තාවකාලිකව තහනම් කර තිබෙනවා.
ලිපිගොනු කිහිපයක් අතුරුදන්ව ඇති බවට ලද පැමිණිල්ලක් සම්බන්ධයෙන් මෙසේ විමර්ශනයක් සිදු කෙරෙන බවයි වාර්තා වෙන්නේ.
මෙම අවස්ථාවේදී ආසන සංවිධායකයින් ඇතුළු පිරිසක් ශ්රී ලංකා නිදහස් පක්ෂ මූලස්ථානය අසලට පැමිණ ඇති අතර මුලික විමර්ශන අවසන් වන තෙක් නිදහස් පක්ෂ මුලස්ථානයට ඇතුළුවීම තහනම් වන බව පොලීසිය පවසා තිබෙනවා.
ශ්රී ලංකා නිදහස් පක්ෂ මූලස්ථානයේ තිබූ වැඳගත් ලිපිගොනු කීහිපයක් අතුරුදහන්ව ඇති බවට එම පක්ෂයේ වැඩබලන මහලේකම් දුෂ්මන්ත මිත්රපාල මහතා ඊයේ (05) මරදාන පොලීසියට පැමිණිල්ලක් කර තිබුණා.
