ආගමික හා විගාමික පනත උල්ලංඝනය කරමින් ව්යාජ තොරතුරු ඉදිරිපත් කර විදෙස් ගමන් බලපත්ර ලබා ගැනීමේ චෝදනා යටතේ හිටපු අමාත්ය ඩයනා ගමගේ මහත්මියට එරෙහිව කොළඹ ප්රධාන මහේස්ත්රාත් අධිකරණය හමුවේ අද(11) නඩු පැවරුවා.
ඇප මත සිටින ඩයනාගමගේ මහත්මිය විත්ති කූඩුවේ පෙනී සිටීමෙන් අනතුරුව අපරාධ පරීක්ෂණ දෙපාර්තමේන්තුව මගින් පැමිණිලි ගොනු කරමින් නඩු පැවරු අතර චෝදනා කියවාදීම අගෝස්තු 01 දින සිදු කරන ලෙස කොළඹ අතිරේක මහේස්ත්රාත් හර්ෂණ කැකුළු වෙල මහතා දන්වා සිටියා.
අද දින ප්රධාන මහේස්ත්රාත්වරයා නිවාඩු ලබා ඇති බැවින් චෝදනා කියවාදීම මෙසේ කල් තබුණා.
නඩු භාණ්ඩයක් ලෙස අපරාධ පරීක්ෂණ දෙපාර්තමේන්තුව මගින් අධිකරණයට ඉදිරිපත් කළ විත්තිකාරියගේ රාජ්ය ත්රාන්තික ගමන් බලපත්රය අධිකරණ සේප්පුවේ තැබීමටද මහේස්ත්රාත්වරයා නියෝග කළා.
Comments
