ශිෂ්යත්ව විභාගයේ පිළිතුරු පත්ර පරීක්ෂාව සති දෙකකට අත්හිටුවීමට ජනාධිපති අනුර කුමාර දිසානායක මහතා උපදෙස් දී තිබෙනවා.
ජනාධිපතිවරයා සහ 05 ශ්රේණිය ශිෂ්යත්ව විභාගයේ ප්රශ්න පත්ර ගැටලුව සම්බන්ධයෙන් උද්ඝෝෂණයක නිරත වූ දෙමව්පියන් පිරිසක් අතර සාකච්ඡාවක් ඊයේ (30) පස්වරුවේ ජනාධිපති කාර්යාලයේදී පැවැත්වුණා.
එහි ප්රතිඵලයක් ලෙස 05 ශ්රේණිය ශිෂ්යත්ව විභාගයේ පිළිතුරු පත්ර පරීක්ෂාව සති දෙකකට අත්හිටුවිමටයි ජනාධිපතිවරයා අදාළ නිලධාරීන්ට උපදෙස් ලබා දී ඇත්තේ.
පසුගිය 05 ශ්රේණිය ශිෂ්යත්ව විභාගයේ ප්රශ්න 03ක් නොව ප්රශ්න 08ක් විභාගය පැවැත්වීමට පෙර පිටව ඇති බවත්, එබැවින් එහි පළමු ප්රශ්න පත්රයට අදාළ විභාගය නැවත පවත්වන ලෙස ද දෙමව්පියන් මෙහිදී ජනාධිපතිවරයාගෙන් ඉල්ලා තිබෙන බවයි ජනාධිපති මාධ්ය ඒකකය සඳහන් කළේ.
මෙවර ශිෂ්යත්ව විභාගයේ ප්රශ්න කිහිපයක් පිටවීමේ සිද්ධිය හේතුවෙන් ගැටලුකාරී තත්වයක් උද්ගත වූ අතර ඒ පිළිබඳව විභාග දෙපාර්තමේන්තුව මෙන්ම අපරාධ පරීක්ෂණ දෙපාර්තමේන්තුව විසින් විමර්ශන ආරම්භ කර තිබුණා.
එම විමර්ශනය අවසන් වන තෙක් ශිෂ්යත්ව විභාගයේ පිළිතුරු පත්ර ඇගයීම අධ්යාපන අමාත්යාංශය විසින් තාවකාලිකව අත්හිටුවනු ලැබුවා.
