ගැබ්ගෙල පිළිකා අවදානම දුරලීම සඳහා ගැහැණු දරුවන්ට ලබාදෙන හියුමන් පැපිලෝමා එන්නත් හිඟයක් මතුව ඇතැයි වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තීය සමිති සන්ධානය පවසනවා.
එහි සභාපති විශේෂඥ වෛද්ය චමල් සංජීව මහතා සඳහන් කළේ, මාස 08 ක පමණ කාලයට සිට එම එන්නත් හිඟයක් පවතින බවයි.
මේ හේතුවෙන් පසුගිය වසරේ සිට එම එන්නත ලබාදීමේ ක්රියාවලිය ඇණ හිට ඇතැයි ද ඔහු සඳහන් කර තිබෙනවා.
මේ සම්බන්ධයෙන් සෞඛ්ය අමාත්යංශයේ ලේකම් විශේෂඥ වෛද්ය පාලිත මහීපාල මහතා සඳහන් කළේ, මාස කිහිපයක සිට අදාළ එන්නත් හිඟයක් ගෝලීයව පවතින බවයි.
කෙසේ වෙතත්, ලබන අප්රේල් මාසයේ මුල වන විට ඇණවුම් කළ එන්නත් මෙරටට ලැබීමට නියමිත බව ද, සෞඛ්ය අමාත්යාංශයේ ලේකම්වරයා සඳහන් කර තිබෙනවා.
ඔහු පැවසුවේ, වසර එකහමාරක කාලයක් සඳහා අවශ්ය එන්නත් එලෙස ගෙන්වන බවයි.
Comments
