වත්මන් රජය කිසිදු ඉදිරි ගමනක් නොමැතිව එක තැන ලැග සිටීම හේතුවෙන් රට සම්පූර්ණයෙන්ම අනාථ වී විනාශ මුඛයට පත්ව ඇතැයි හර්ෂණ රාජකරුණ මහතා ප්රකාශ කළා.
වත්මන් පාලකයන්ට රට කරගෙන යාමට දක්ෂතාවක් හෝ හැකියාවක් නොමැති බව තමන් එදා ප්රකාශ කළ අදහස් අද වන විට සනාථ වී තිබෙන බව ඒ මහතා පෙන්වා දුන්නේය.
ලෝක වෙළෙඳපොළේ මිල ගණන් අඩු වන විට අනෙකුත් රටවල් එහි සහනය ජනතාවට ලබා දුන්න ද, වත්මන් රජය ලෝක වෙළෙඳපොළේ මිල ඉහළ යන විට මෙරට මිල ගණන් වහාම ඉහළ දමමින්, මිල අඩු වන විට විවිධ බොරු හා වංචනික නිදහසට කරුණු කියමින් ජනතාවට සහන දීම පැහැර හරින බවට ඔහු චෝදනා කළේය.
ජනතාවට අද වන විට ජීවත් වීමට පවා නොහැකි තත්ත්වයක් උදාවී ඇති බැවින්, වහාම ක්රියාත්මක වී ඔවුන්ට අවශ්ය සහන සැලසීමට රජය පියවර ගත යුතු බව රාජකරුණ මහතා අවධාරණය කළේය. වත්මන් රජයට රට කරගෙන යාමට නොහැකි වී ඇත්තේ ඔවුන්ගේම ප්රශ්න පටලවාගෙන සිටීම නිසා බවත්, මොවුන් ජනතාව ගැන නොසිතන, තමන් ගැන පමණක් සිතන “උද්දච්ච” සහ “මහා පණ්ඩිත” ආකල්පවලින් යුත් ජනතා විරෝධී ආණ්ඩුවක් බවත් ඔහු සඳහන් කළේය.
මෙවැනි ජන පීඩක පාලනයන් ඉතිහාසයේ ද පැවති බව සිහිපත් කළ හර්ෂණ රාජකරුණ මහතා, එවැනි පාලකයන්ට තමන් ගෙදර යන තෙක්ම තමන්ට සිදුවන දේ වටහා ගැනීමට නොහැකි වූ බව ද වැඩිදුරටත් කියා සිටියේය.
