පෞද්ගලික අංශයට සහල් ආනයනය කිරීමට ලබාදී තිබූ කාලය අද (10 ) මධ්යම රාත්රියෙන් අවසන්වීමට නියමිතව තිබෙනවා.
සහල් ආනයනය සඳහා ඉකුත් දෙසැම්බර් මස 04 වැනිදා සිට 20 වැනිදා දක්වා පෞද්ගලික අංශයට අවස්ථාව ලබාදී තිබූ අතර එය යළි අද (10) දක්වා දීර්ඝ කිරීමට රජය තීරණය කර ඇති බවයි පැවසෙන්නේ.
පෙරේදා (08) දහවල් 12 වන විට ආනයනය කර රේගුවෙන් නිශ්කාෂණය කර තිබූ සමස්ත සහල් ප්රමාණය මෙට්රික් ටොන් 115,000 ක් බවයි වාර්තා වන්නේ.
කෙසේ නමුත්, රතු කැකුළු සහල් මෙට්රික් ටොන් 2,600 ක් ආනයනය කිරීම සඳහා ලංකා සතොස ආයතනය විසින් ලංසු කැඳවා ඇත.
ලංකා සතොස ආයතනය විසින් මීට පෙරදී ද සහල් මෙට්රික් ටොන් 5,200 බැගින් ටෙන්ඩර් දෙකක් විවෘත කිරීමට අදාළව ලංසු කැඳවූ අතර එම ටෙන්ඩර් දෙකම ප්රතික්ෂේප වුණා.
රතු කැකුළු ආනයනය කිරීමට අදාළව ලංසු කැඳවීම පෙරේදා (09) ආරම්භ කෙරුණු අතර එය මෙම 16 වැනිදායින් අවසන් වීමට නියමිතව ඇත.
