පාර්ලිමේන්තුව විසුරුවා හැරීමට අද (24) දිනයේ බොහෝ දුරට ඉඩ ඇති බව, අග්රාමාත්ය ආචාර්ය හරිනි අමරසූරිය පවසනවා.
ඇය මාධ්ය වෙත අදහස් දක්වමින් මේ පිළිබඳව ප්රකාශ කළා.
ඒ මහත්මිය තවදුරටත් සඳහන් කළේ, අප විශ්වාස කරමින් ජන බලය ලබා දුන් ජනතාවට ස්තූතිවන්ත වන බවයි.
නව රජයේ අග්රාමාත්යවරිය ලෙස ආචාර්ය හරිනි අමරසූරිය ජනාධිපති අනුර කුමාර දිසානායක මහතා ඉදිරියේ අද (24) දිවුරුම් දුන්නා.
ඒ, කොළඹ ජනාධිපති ලේකම් කාර්යාලයේදීයි.
දිවුරුම් දීමෙන් අනතුරුව අග්රාමාත්යවරිය වැඩිදුරටත් දැක්වූ අදහස් :
“දැන් වැඩ භාර ගන්න ඕනේ. ඊට පස්සේ වැඩට බහින්න තමයි තියෙන්නේ. අද බොහෝ දුරට පාර්ලිමේන්තුව විසුරුවා හරියි. මං ඊට කලින් වැඩභාරගන්න යන්න ඕන. ජනතාවට බොහොම ස්තූතියි අපි මත තබා තිබෙන විශ්වාසයට. ඒක එලෙසම අපි ආරක්ෂා කරනවා.”
Comments
