ජනාධිපති රනිල් වික්රමසිංහ මහතා ජනාධිපතිවරණයට තරග කිරීම සඳහා නුසුදුස්සකු බව ප්රකාශ කරන ලෙස ඉල්ලා පෙත්සම්කරුවෙකු විසින් ඉදිරිපත් කරන ලද මූලික අයිතිවාසිකම් පෙත්සම විභාගයට ගැනීම ශ්රේෂ්ඨාධිකරණය විසින් ප්රතික්ෂේප කර තිබෙනවා.
මෙම මූලික අයිතිවාසිකම් පෙත්සම ඉදිරිපත් කර තිබුණේ, වැඩබලන පොලිස්පතිවරයා පත්කිරීමට අපොහොසත්වීම, ශ්රේෂ්ඨාධිකරණයට සහ අභියාචනාධිකරණයට විනිසුරුවරුන් පත් නොකිරීම පදනම් කරගෙන ජනාධිපතිවරණයට තරඟ කිරීම සඳහා ජනාධිපතිවරයා නුසුදුස්සෙකු බවට ප්රකාශ කරන ලෙසයි.
එහිදී නඩු ගාස්තු වශයෙන් රුපියල් 50,000 ක් ගෙවන ලෙසද ශ්රේෂ්ඨාධිකරණය පෙත්සම්කරුවාට නියෝග කරනු ලැබුවා.
නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් නෙරින් පුල්ලේ මහතා පෙත්සම්කරුවන් අධිකරණයට කරුණු සාවද්ය ලෙස ඉදිරිපත් කර ඇති බවටත්, අයදුම්පත්රය මගින් ආණ්ඩුක්රම ව්යවස්ථාවේ 92 වැනි වගන්තිය උල්ලංඝනය කර ඇති බවටත් එහිදී විරෝධතා ඉදිරිපත් කළා.
